Tarefas Naturais
Luns, 15 de Xuño de 2020.
Imos xogar tamén en Naturais. Recordades este xogo??
Luns, 8 de Xuño de 2020.
Corriximos os exercicios da páxina 73
1 Resumo. A maioría das plantas están formadas por tres elementos: raíz, talo e follas. A raíz permítelles absorber auga e sales minerais. As follas permiten captar a luz do sol e absorber dióxido de carbono. Con todo iso, as plantas fabrican o alimento. As plantas con flores reprodúcense mediante sementes. As flores conteñen os órganos reprodutores, que son os estames e o pistilo. As plantas anxiospermas teñen flores complexas e as sementes están dentro de froitos. As plantas ximnospermas teñen flores moi simples e as sementes están dentro de piñas. As plantas sen flores son os musgos e os fentos.
2 Esquema. As plantas realizan as tres funcións vitais: nutrición, relación, reprodución.
As plantas clasifícanse en plantas con flores e plantas sen
flores. As plantas con flores divídense en anxiospermas e
ximnospermas. As anxiospermas teñen sementes en froitos. As ximnospermas teñen sementes en piñas.
As plantas sen flores son musgos e fentos.
Tarefas : Para repasar o tema faremos os exercicios da páxina 74- 1, 2, 3, 4, 5 e 6
Luns, 1 de Xuño de 2020.
Ola!! Continuamos co tema. Primeiro vemos o video.
Despois lemos as páxinas 70 e 71.
Facemos os exercicios da páxina 73- 1 e 2
Repasamos o tema enteiro.
Luns, 25 de Maio de 2020.
Deixovos un esquema das Partes da Planta e as Funcións vitais das Plantas.
Podedes copialos no caderno, e estudalo. Está en castelán, pero pasadeo a galego mirando polo libro.
Tarefas: Facemos os exercicios da páxina 75 "Demostra o teu talento"
Para saber máis: "Banco de semillas de Svalbard".
Luns, 18 de Maio de 2020.
Dalle un repaso ó esquema e completa a primeira ficha. Para facer a segunda terás que ler primeiro a páxina 68.
Cando remates dalle a "Terminado", para enviarmas.
Tómate o teu tempo, tendes toda a semana para facelo.
Despois de ver o video podes intentar facer ti o debuxo e porlle todas as partes que coñezas.
Luns, 11 de Maio de 2020.
Esa palabra que non vos saía a algún no encrucillado era agallas, que é un sinónimo de branquias.
Tarefas: Empezamos o tema 5 "Las plantas".
Primeiro lemos a páxina 64 e 65. Fala de moitas plantas que ó mellor non coñecemos. Buscade no dicionario as que non coñezades.
Vemos o video:
Lemos as páxinas 66 e 67.
Facemos un esquema e estudamos.
Luns, 4 de Maio de 2020.
SOLUCIÓNS
Páx. 62. 1, 2, 3 e 4.
1 • Os cans teñen un olfacto moi desenvolvido. Función de
relación, porque o olfacto é un dos sentidos polo que
os seres vivos reciben información do exterior.
• Os animais necesitan materiais de construción e enerxía. Función de nutrición, porque é mediante esta función e a partir dos alimentos de onde se obteñen a enerxía e os materiais que se necesitan para vivir. • Na maioría dos animais necesítase a intervención de dous individuos. Función de reprodución, xa que a maioría se reproducen de forma sexual coa intervención de dous seres de distinto sexo, macho e femia.
2 Un gato ve cos seus ollos un rato. Envía esta información ao cerebro para que a interprete, «o rato é unha
presa que quero cazar», e despois envía unha resposta
ao sistema locomotor: «correr e atrapalo». Os patas
móvense axilmente para collelo e coas súas garras
atrápao.
3 Expresión escrita. • Reprodución sexual. • Para respirar, xa que respiran mediante pulmóns e necesitan saír á superficie para coller o osíxeno do aire. • Porque respiran por branquias o osíxeno que está disolto na auga. • Non teñen patas, teñen aletas. E non teñen escamas porque son mamíferos.
4 • Os artrópodos son animais invertebrados.
• Os bichos bóla son animais detritívoros.
• Os réptiles teñen escamas.
• Os mamíferos son animais vivíparos.
• Os vermes teñen o corpo brando.
• Os insectos son artrópodos que teñen seis patas e antenas.
Mirade o que captaron unhas cámaras nos Montes do Invernadoiro (Ourense)... UN OSO PARDO !!!!
Tarefas : Tendes que facer as fichas seguintes durante toda a semana. Despois, cando as rematedes dádelle a "TERMINADO", para envialas, co voso código.
Feliz semana!!!!
Luns, 27 de Abril de 2020.
SOLUCIÓNS páx 61
1 Resumo.
Os animais, igual ca os demais seres vivos, realizan tres funcións vitais: nutrición, relación e reprodución.
Mediante a nutrición, os animais conseguen materia e enerxía a partir dos alimentos.
Para poder levar a cabo a función de relación, os animais necesitan órganos dos sentidos que recollan información do medio que os rodea.
A maioría dos animais teñen reprodución sexual.
Todos os vertebrados dispoñen dun esqueleto interno formado por ósos e unha columna vertebral. O corpo ten tres partes: cabeza, tronco e rabo.
Os invertebrados carecen de columna vertebral. O grupo máis numeroso é o dos insectos, que teñen o corpo formado por cabeza, tórax e abdome. Ademais, teñen seis patas e antenas.
Tarefas:
Páx. 62. 1, 2, 3 e 4.
Tendes toda a semana para facelos. Vale????
Luns, 20 de Abril de 2020.
SOLUCIÓNS páx 59
1. Teñen en común que carecen de columna vertebral. Ademais, a maioría son ovíparos. 2 2. R. M. Hai animais que se desprazan voando no grupo dos artrópodos. Nadando, no grupo dos moluscos e nas medusas. E arrastrándose, nos grupos dos vermes e dos moluscos.
3 O corpo dos insectos está formado por tres partes: cabeza, tórax e abdome. Teñen antenas na cabeza e seis patas que saen do tórax. Moitos deles posúen dúas ou catro ás que tamén saen do tórax.
4 Usa as TIC. R. M. As estrelas de mar móvense libremente polo fondo mariño grazas a un gran número de pequenos pés que posúen na súa parte inferior.
Tarefas: Páx 61, exercicio 1.
Dádelle un repasiño ó tema. Podedes ver de novo os videos.